Dersime Konak 3 serran ra nata bi îdîaya 'endamîya rêxistine' Zîndanê Riha de yena tepiştene. Roniştişê 13. yê dewaya Dêrsime Konak Mehkemeya Cezaya Girane ya Dêrsimî de ame kerdene. Dêrsime bi rayîrê SEGBÎSî tewra mehkeme bîye.  Pê bahaneya Korona têna avûkatê Dêrsime rê destûr ame dayene ke tewrê mehkeme bibo. 

Apê Dersime Mîthat Konak bi waştişê edaletî Xozatî ra ver bi Merkezê Dêrsimî pê sandalyaya bitekere amebi Mehkeme la destûr nêame dayene ke debikewo salona roniştişî. 

Şahîda/o ke vera Dêrsime îfade dabi, îfadeyê xo tepîya ant û Dêrsime zî pawitişê xo de pêro îdîayî red kerdî. Dersime û avûkatê ci waştişê veradayîşî kerd.

Mehkeme bire daye ke Dêrsime sey tepişte bimana û roniştiş taloqê 17ê teşrîna peyene kerd.