Dewaya Şule Çet de di vergumanî ameyî hukmkerdene

Dewaya wendekare Şule Çet de ke Anqara de ameye qetilkerdene derheqê vergumanêkî de bira muebede derheqê vergumanê bînî de zî cezaya zîndanî ya 20 serran ameyî dayene.

Wendekara Zanîngehê Gazî Şule Çet 29ê gulane de dima ke maruzê hêrişê cînsî mend qatserê 20. ê plazayêke ra ameye wareştene.

Dewaya Şule Çet de ke Mehkema Cezaya Girane ya 31. a Anqara de ameyêne dîyene seba vergumanan Çagatay Aksuyî (34) û Berk Akandî (33) cezaya zîndanî ya girane ameye dayene.

Roniştişê bire de seba Çagatay Aksuyî bi îdîaya ''bi zanayîşî kiştişî û nimnayîşê serebûtî'' cezaya muebede, bi îdîaya ''hêrişê cînsî'' 10 serrî û 6 mengî û bi îdîaya ''vergirewtişê azadîye merdiman'' 2 serrî û 6 mengî bi temamî 12 serrî û 12 mengî cezaya zîndanî ameye dayene. Seba Berk Akandî bi îdîaya ''hetkarîya kiştişî'' 12 serrî û 6 mengî, bi îdîaya ''vergirewtişê azadîye merdiman'' 5 serre, bi îdîaya ''hêrişê cînsî'' 1 serrî û 3 mengî bi temamî 18 serr û 9 menge cezaya zindanî ameye dayene.

Babîyê Şule Çet verê edlîye de pare kerd ke: "Dejê ma nêvindert la seba ke înan ceza girewte ma sipas kenê. Mi sey babîyêkî kênaya xo vîndî kerde. Ez nêwazena ke sewbîna kesî nê dejî bianco. Kamê ke hetê mi de bîyî ez înan rê sipas kena."