15ê nîsana 2020î de şaristanê Hildesheimî yê Almanya de cinîya êzidîye Besma Ekîncî ya ke dadîya 3 domanan bîye hetê mêrdeyê xo ra ameye qetilkerdene.

Dezgehanê êzidîyan; Merkezê Yewîya Komeleyanê Êzidîyan, Paştdayîşê Ciwananê Êzidîyan, Meclîsê Şingalî yê Diaspora, Merkezê Kulturê Êzidxaneyî, Yewîya Êzidîyanê Sûrîye û Meclîsanê Dewanê Êzidîyan ê Vakurî derheqê babete de eşkerayîyêka hempare weşanaye.

Eşkerayîye de ame vatene ke komelê êzidîyan de ke derheqê înan de zaf reyî fermanî vejîyayî kerdişo bi nê hawayî nêno qebulkerdene, famkerdene. Dezgehan pare kerd ke ê nê serebûtî şermezar kenê û venga komelî da ke vera hîşmendîya barbare têkoşîn bikero

Eşkerayîye de ame vatene: ''Ganî pêro komelê ma vera na hîşmendîya pederşahîye tewirê xo bi hawayêkê pîtî bomijno.  Ma hûrmet mojnenê îradeyê cinîyan ê êzidîyan û ma pîya seba cuya azade, edîle, demokratîk û têdûşte têkoşîn bikerê. Kişîyayîşê cinîya êzidîye Besma Ekînvî sebebê serewedaritişê komelî yo. Nê esasî ser o ma venga pêro cinîyan, ciwanan, camêrdanê komelê xo danê ke vera kişîyayîşê cinîyan tewirê xo bimojnê Bêvengîye û bêtewirîye paştîdayîş û tesdîqkerdiş o! ''