Endama Koordînasyonê KJKyî Dîcle Xabûre programê Rojeva Jinî yê Stêrk TVyî de rojdemî ser qisey kerde. Xabûre vîst vîr ke vera tecrîdê ser Rayberê Şarî Kurdî Abdullah Ocalanî tena Kurdîstanî de nê, her cayê dinya de çalakî yene viraştene û va: ‘’Nê çalakîye mîyejnenê ra ke Rayber Apo tena seba kurdan nê, kam ke fîker û felesefeyê ey eşnawito seba nê pêroyinê rayberê şaran o.’’

ÇALAKÎYÊ TÊSÎRIN YÊ ŞARÎ EŞKENÊ TECRÎD BIŞIKNÎ

Xebûre têkoşînê tepişteyanê PKK û PAJKî ye zînadanan slûm kerde û va: ‘’Tepişteyan bi grevê vêşanîya hîre rojan reyna têkoşînê xo mîyejna ra. Ganî çalakîye wînayin bêpaştî memanî. Merdimê tepişteyan û şarî bi çalakîyan wa wayîr têkoşînê xoverdayoxanê zîndanî bivejî. Şar eşkeno bi çalakîyanê têsîrin tecrîd bişikno û paştî bido çalakîyanê gerîlaye û têkoşînê zîndanî. Na çarçiweye de her çalakîyêk zaf muhîm a. Çalakîye ganî tim û tim bibî, pede-pede bêrî gird kerdene û hîna radîkalî bî.‘’

Xabûre çalakîye ke Vakurê Sûrîye de yene viraştene ê zî slûm kerdî û va:’’ Ewro tena kurdî nê, sere de erebî xeylê şarî vera tecrîdî têkoşîn danî. La tena rayîrraşîyayîşî nê, konferansî, panelî zî wa bêrî viraştene. ‘’

VERA FAŞÎZM GANÎ TÊKOŞÎNO ŞÎRIK BÊRO DAYENE

Xabûre polîtîkaya leyşinî ya Ewropa ser zî wîna va:’’Hêzê Mîyanneteweyî ke wextê hêrîşê Efrînî de bêvengî bî, ewro meseleya operasyonê Îdlîbî vanê ‘xesasîyetê sîvîlan’. Wexto ke Efrîn de şar binê tehlukeyê qetlîamî de bi, kesî ra vang nêvîyayene. Heme hêzî goreyê karê xo têgerenî. No faşîzm o,to kişeno û herrê to îşxal keno. Tena bi qale kes nişkeno vernîya nê bigere, ganî vera ney têkoşîn bêro dayene.’’

ŞAR WA WAHÎR HEQANÊ XO BIVEJÎYO

Endama Koordînasyonê KJKyî Dîcle Xabûre krîzo ekonomîke viste vîr û wîna domna: ‘’ Polîtîkaya şerî yê hûkmatî ra krîz her tim xore beno. Vernî de cînî krîz peroyê şarî ser hem psîkolojîk hem zî fizîkî şîdetî zêdîneno. Camêrdo ke gure ya ci ra yeno eştene û krîzî ra fatisyeno, bisebeno ke hêzê ey dewlete rê nêvejeno, cînî û domanan rê hêrîş keno. Zêdbîyayîşê qetilkerdişê cinîyan zî naye ra yo. Seba çareserkerdişê nê meseleyan bêtêkoşîn yewna rayîr çîn o. Bitaybetî zî cînî eşkenê rêxistenen xeylê qeyde çalakîyan virazî. Bi têkoşîno şirîkî kes eşkeno serkewtişî dest bifîno.’’