Platformê Cinîyan ê Seba Têdûştîye (EŞÎK) derheqê lîsteyanê namzetîye yê partîyan de eşkerayîyêka nuştekîye daye.

Eşkerayîye de ame îfadekerdene ke lîsteyê namzetanê wekîlan temsîlîya têdûşte ra zaf dûrî yê û vat: ''Zafê cinîyê ke lîsteyan de nameyê înan est ê, cayê ke nêeşkenê biweçînîyê tede ameyê cakerdene. Mîqtarê cinîyan seke zêde yo ameyo mojnayene. Lîsteyê ke temsîlîya têdûştîye nêkenê, ganî hetê dezgehanê weçînayîşî ra bêrê redkerdene. Ganî qanûnê ke esasê têdûştîye binpay kenê bêrê betalkerdene. Heta temsîlîya têdûşte, bi qanûnî û bi asayî nêra caardene ma do têkoşîn bikerê.''