Endama Koordînasyonê KJKyî Besê Erzîncan Komployo Mîyanneteweyî yê vera Rayberê Şarê Kurdî Abdullah Ocalanî ANFyî rê ercna.

Qiseykerdişê Erzîncane ra beşêk wina yo:

''Rayber Apo 22 serrî yo zîndanêk vera dewleta tewr zalime ya dinya xo ver dano û pê keda pîle têkoşîn keno. Ez nê tewirê Rayber apoyî b mînet, heskerdiş û rêzdarî selam kena.

Rayberîya ma mîyanê sîstemê îşkenceyî yê tewr barbarî de bi hawayêkê bêexlaq, bêhuqûq û bêwijdanî tepişîyeno. Tecrîd cezaya tewr giran a. Sîstemê îşknece û tecrîdî yê Îmraliyî tên hetê Tirkîya ra nê rayberîya Amerîka de yeno kerdene. Têna Tirkîya nê Amerîka, Rûsya, Ewropa sere de tecrîd pêro polîtîkayanê qirkerdişî yê vera şar û Rayberê ma ra mesuldar ê.

Rayberê ma têna vera sîstemê deleta tirke  xo ver nêdano. O heman wextî de vera hêzanê modernîteya kapîtalîste xo ver dano. Ma na raştîye reyde têrî manenê.

Operasyonê Garê dewanê komployî yo. Ê wazenê gerîlayan tasfîye bikerê, qirkerdişê şar û cinîyan bizêdînê. Na rewşe de PDK hetkarî dana dewleta tirke. Başûr de cabîyayîşê hende hêz, leşker û îstîxbaratê dewleta tirke ra  PDK mesuldar o. Şarê kurdî naye do vîr a nêkerê. Ganî şarê ma wayîrê xoverdayîşê gerîlayan vejîyê.

Rayber Apo 22 serrî yo Zîndanê Îmraliyî de hem xo ver dano têkoşîn keno hem zî seba şar û cinîyn paradîgmayêka newîye aferneno û rayberîya rewşan ê îstîsnayîyan keno.

Cinîyê Şingalî ganî têna asayîş nêpawê xo rê îdareyê xoserî esas bigêrê û seba ke îdareyo xoser bişinasîyo seferber bibê. Seba ney ganî cinîyê êzidîyî rayberîya komelî bikerê.

Seserra 21. do biba seserra xeta azadîya cinîyan a Rayber Apoyî. Cinîyî seba ke komplo pûç bikerê pê qerardaarî û azîmî xebitîyenê. 15ê sibate û serra 2021î seba ma krîtîk ê. Rayberîya ma seba azadîya cinî, şar, bawerîyan rolê pîlî ardî ca. Fikranê ey dinya kerde roşnî. Çareserîya Rayber Apoyî do merdimîye bixelisna.

Ma do tim şorişgerîya xo her hela têkoşînî de seba azadîya Rayberîye aver berê û şer bikerê.Eke ma nêeşkê Rayberîya xo azad bikerê ganî ma rexneyanê xo bidê. Ma soz danê ke kêmasîyanê xo safî bikerê, şaşîtîyanê xo raşt bikerê û bi hêzêr rayberîye bikerê. Seserra 21. qetî do biba seserra xeta azadîya cinîyan a Rayber Apoyî û ma do ser bikewê. Gerîla, cinî û ciwanî do rayberîya ney bikerê. Nika ra bi hêz û qerardarî 8ê adare pêşwazî kenê. Azadîye do pê têkoşîn û xoverdayîşî ser bikewê.''