Gerîlaya YJA Starî Esma Afşar (Jiyan Amargî)  a ke 21ê hezîrane de Sêrt de şehîd bibî, cenazaya ci vizêr memleketê ci Êlih de ameye definkerdene.

Keyeyê Afşare vizêr morgê Nêweşxaneyê Cigerayîş û Perwerdeyî yê Sêrtî ra cenazaya xo girewte û berde Êlih. Cenaza Goristanê Girbareşkî yê merkezê bajarî de ameye definkerdene. Polîsan cenaza girewte binê ablûqa û destûr nêda ke bê keyeyê ci kesê bînî tewrê merasîmî bibê. Rixmê heme astengkerdişê xeylêk kesî tewrê merasîmê cenaza bîyî.  Badê caardişê wecîbeyanê dînîyan cenazaya Afşare ameye definkerdene.