Şaristanê Duisburgî yê Almanya de zêdîyayîşê qeilkerdişê cinîyan û hêrişê vera dezgehanê cinîyan ameyî protestokerdene. Reyna bajarê Frankfurtî yê Almanya û paytextê Danimarka Kopenhag de zî cinîyî kuçeyan de bî.
Duisburg de çalakîya ke her roja çarşemeyî hetê Meclîsê Cinîyan ê Şehîd Asya Yuksel ra yena kerdene, hewteyê 11. de zî dewam kerd.
Çalakîye pê deqayêkê rêzgirewtişî dest pêkerde. Çalakîye de Meclîsê Cinîyan ser o Amara Tolhildan qisey kerd. Amara Tolhildan pare kerd ke her roje bi mîlyonan cinîyan rê şîdet yeno kerdene, cinîyî kişîyenê û venga cinîyan da ke vera zulmî pîya têkoşîn bikerê.
Amara Tolhildan bale ante ser ke cergê dewleta tirke Efrîn de cinîyan remnenê, cinîyan rê tecawuz û îşkence kenê. Amra vat: ''Têgêrayîşê Azadîye cewabê na hîşmendîye do bido.''
Çalakîye de venga kurdîstanijan ame dayene ke wa 18ê temmuze de tewrê çalakîya Kielî bibê.
Reyna bajarê Frankfurtî yê Almanya û paytextê Danimarka Kopenhag de zî bi çalakîyan şîdetê vera cinîyan ame protestokerdene.
