Ça beno wa bibo, kam ke rayêk herra Mezopotamya de boya koyanê Zagrosan anta, o zî hende qicê Zagrosî, yanî qicê tîje yo. Qicê koyanê berzan, gerîlayê azadîye roşnayîya tîje reyde rayîrê xo vînenê. Nê herran de yê ke hêver rîyê xo tîje rê açarnenî cinî yê.

ÇEKÊ BIRAYÊ XO SEY MÎRASÊK DEWR GIREWTE

Nê cinîyan ra yewe zî Azê Vîyane ya. Vîyane bajarê Qersî de ameya dinya û hêrişê dewlete ver bi keyeyê xo ya şina Ewropa. La ewja de nêşkena bicuya û serra 2017î de vera xo dana koyanê Kurdîstanî, tewrê gerîlayî bena.

Vîyane wazena ke birayê aye Navdar ke diletê aye yo û 4 serrî verê tewrê gerîllayî bîyo, bivîna la xeberê şehadetê ey gêna. Vîyane ana ziwan ke nê şehadetî herinda zeîfîye de hêz dayo aye û aye çekê birayê xo sey mîrasêk dewr girewto û bi nêyî têkoşîn dana.

CUYA GERÎLAYÎ ZAF RIND A

Azê Vîyane ke qijîya xo ra nata deyîran vana û hunermendîya kuçeyan kerda, gerîla de zî fek muzîkî veranêdana. Vîyane muzîk sey leteyê cuye vînena û wazena ke rêçê Delîla, Hozan Serhat û Hozan Mizgîne de gaman bierza. Vîyane vana ke tebîet, Kurdîstan û Rayberîye heme yewbînan reyde giredeyaye yê û qiseykerdişê xo wina qedênena: "Rayberîye vano ke ‘PKK şîîrêk o, deyîrêk o, romanêk o û weş o…‘ raştî zî cuya gerîlayan wina ya. PKK deyîrêk o, romanêk o, eke cayê ci bêro huyayîş o, serewedartiş o, dej o û rind o.‘‘