Eşkerayîye de ame vatene, zext û zordarîya vera cinîyan ê ke sey wasitaya zîhnîyetê neheq ê tekperestî vejîyayê werte, bi polîtîkayanê teberê merdimîye vera cinîyan roje bi roje zêde benê.

Eşkerayîye de ame vatene, “Heta zîhnîyeto ke verê nê rayîrî akeno dewam bikero, têkoşînê azadîye yê cinîyan û cimatan zî do dewam bikero. Sey wayê Mîrabelan, Besê, Zarîfe, Sema, Sakîne û Zîlanan...

Festîvala Cinîyan a Zîlan a ke bi ruhê azadî û xoverdayîşî yê cinîyan her serre yena viraştene, emser serrgêra 15’ine 22'ê Hezîrane de, roja Şemeyî de bi coşa azadîye do bêra viraştene.”

Eşkerayîya bi nameyê Yewîya Cinîyan a Elewîyan de ame vatene, “Xoverdayîşê vera zulmî heq o.” Vengdayîş cinîyan ê Elewîyan û heme cinîyan ê Kurdan rê ame kerdene ke Şeme adresa Bîsmarckstrasse 125 Leverkusenî de tewrê Festîvala Zîlane bibê.

Eşkerayîye de ame vatene, “Senî ke mêşê hingêmenî seba jehrê xo mîyanê hengmênî ra vejê yenê têhet, zulmê zalîman zî bi têhetameyîşê cinîyan ê dorê azadîye do werte ra biwadarîyo.”