Fermandaranê YJA-Starî ra Jînda Ozgur cuya xo ya gerîlatîye ya 20 serran de her cayê Kurdîstanî de gamê azadîye eştî. Jînda Ozgur her hêla co ya cuye de pê felsefeya Rayberê Şarê Kurdî Abdullah Ocalanî ciwîyaye û heta hêla peyêne fedayîtî ra fek vera nêda. Fermandare Jînda eyaletê Xerzanî de, 21ê adara 2017î de roja Newroze de seba ke biba layîqa şehîdanê a roje herinda teslîmîyetî de şehadet weçîna. Embazanê aye qala Fermandara YJA-Starî Jînda Ozgur kerde û soz da ke ê do têkoşîn geş bikerê û dewaya aye teqîb bikerê.

Fermandare Jînda Ozgur wexto ke cuya xo ra qal kerdêne vatêne: ''Semedo verên ê perwerîya min a seba partîye bawerîya seba caardişê xeyalan bi. Çalakîya fedayîye ya ke embaze Rehşane Îzmîr de kerde zaf tesîrê mi kerd. Merdimêke senî eşkayêne seba Rayberî û partîya xo, seba şarê xo canê xo bida adirî ver. Çalakîya embaze Rehşane kerd ke ez biba hîşmend. Seba şarê kurdî dîyayîşê Rayberîye xeyalêko tewr pîl o. Ez zî bi nê hawayî ewnîyayêne Serekatîye. Ez bi xo şîya warê Serekatî zî. Mi vatêne gelo çîyo ke ez vînena raşt o. Wexto ke ez varar şîya ci mi hema zî vatêne qey xeyal o. Wexto ke ma pîya nan werdêne Serekatî werdê xo da mi. Goreyê ci ez qels bîya. Serekatî fizîkî ra bigêrê heta averşîyayîşê mi her çîyê mi reyde eleqeder bîyêne.

Hetê Serekatî de merdimî xo hîs kenê. Serekatî vano: 'Şar hende tarîxê xo ra visîyayo dûrî.' Şarê ma pê Serekatî hîşmend û azad bi. Cuya Serekatî zaf tesîrê mi kerd.

Sozdar Avesta derheqê Jînda Ozgur de wina vatêne: ''Embaze Jînda herêma Garisa ya eyaletê Botanî ra bîye Adirbirnayîşî ra dima embaze Jînda zî tewrê têgêrayîşî bîye. Embaze Jînda Botan de û Herêmanê Pawitişî yê Medya de gerîlatîye kerde. Şehîde Canda serra 97î de Serekatî rê pêşnîyaz kena ke Jînda şora warê ey. Şehadetê embaze Canda ra dima Serekatî wazeno ke embaze Jînda bêra hetê ey. Jînda bi nê hawayî hem Serekatî nas kerde hem zî beşdara perwerdeyî bîye. Pêro embazan xurtbîyayîşê aye ra qal kerdêne. Xora pê nê xurtbîyayîşê xo îdare de ca girewt. Jînda bi seyan embazî perwerde kerdî ke canê xo feda kerdî. Ma zî sey embazanê înan xeta înan de yê. Ma do xeyalê înan bîyarê ca. Bi taybetî ma do azadîya Rayberî bîyarê ca.''