Festîvala Cinîyan a Sakîne Cansiz a 7. bi şîarê 'Bi têkoşînê cinîyan ver bi seserra cinîyan' 16ê tebqaxe de şaristanê Zurihî yê Swîsre de do dest pêbikera. Festîvale hetê rêxistinanê cinîyan ê koçberan û cinîyanê Swîsre ra yena serûberkerdene. Çarçewa festîvale de bi seyan cinîyî do vera qetilkerdiş û tecawuzê cinîyan û domanan vengê xo berz bikerê.

Festîvale de hunermendê Xecê, Lale Koçgun, Nûarîne, Silbûs û Tarî û ekîpê floklorî Koroyê Domanan, Grûba Dansî ya Tamîl, Shatvika Natanaalayam zî do sehne bigêrê. Çarçewa festîvale de cinîyê dengbêjî zî xeymanê festîvale de kilamanê xo do vajê. Bi rayîrê bilboard û fotografan zî qala tarîxê Kurdîstanî do bêra kerdene.

Festîvale şexsê ronayoxa PKKyî Sakîne Cansiz de ke serra 2013î de hetê dewleta tirke ra amebî qetilkerdene, dîyarîya pêro cinîyanê dinya yena kerdene.

Komîteya amadekarîya festîvake venga cinîyan da ke dormeyê têkoşînê cinîyan de bêrê pêser û  tewrê festîvale bibê.