Xoverdayîşê gerîlayanê HPG û YJA Starî yê vera hêrişê îşxalî yê dewelta tirke dewam keno. Gerîlaya YJA Starî Toprake Canwelata ke cepheyê şerî ra binê vengê teqayîşan de kameraya ANFyî rê qisey kerd,  xoverdayîşê gerîlayan ercna û veng da ke wa şarê kurdî wayîrê nê xoverdayîşî vejîyo.

Canwelate vat: ''Artêşa tirke ya îşxalkere pê heme hêzê xo yê teknîkî yeno ma ser. Dewleta îşxalkere ganî bizano ke hêzê înan est o la ê bêhedef ê. Ma Rayber Apo û şehîdan ra hêz genê û hedefê ma pîl ê. Coka ê do bin bikewê û peyser agêrê. Gerîlayê Azadîye yê Kurdîstanî heta dalpaya peyên a gonîya xo têkoşîn kenê. Ma do xeta şehîdanê xo yê qehremanan de dişmenî herra xo ra vejê. Wa şarê ma zî bizano ke ma semedê azadîya şarê xo têkoşîn kenê. Bitaybetî şarê Başûrê Kurdîstanî ganî wirzo payan ser û vera îxanetî vejîyo.  Ganî her kes nîyetê PDKyî zelal bivîno. Ma PDKyî ra paştdayîş nêwezanê, ma wazenê têna paştî medê dişmenî.

Xora dewleta tirke wazena kurdan biverdê yewbînan û Kurdîstan îşxal bikero. Ma semedê pawitişê ercanê şarê xo têkoşîn kenê. Ma semedê mefeatanê şexsîyan nê, semedê pawitişê herra xo têkoşîn kenê. Ma pê şarê xo, şarê ma zî pê ma  est o. Nê semedî ra ganî sere de şarê Başûrê Kurdîstanî heme kurdî vera îşxalî wirzê payan ser. Ganî her kes destê xo bido serê wijdanê xo û çîyo ke destê ci ra yeno bikero.  Ganî heme kurdî vera dişmeno ke kurdan înkar keno û wazeno qir bikero de bibê yew. Wa şarê ma wirzo payan ser,pê serhilanî verê nê îşxalî bigêro. Eke na herre bêro îşxalkerdene, estbîyayîş kurdan zî binate ra wedarîyeno. Ganî her kes naye hole bivîno û goreyê ci têbigêro.''