Gerîlayanê YJA-Starî Avesta Xabûr û Ronahîye Herekol derheqê hêrişanê îşxalî yê vera Herêmanê Pawitişî yê Medya de ANFyî rê qisey kerd.

Gerîla Avesta Xabûr îfade kerd ke artêşa tirke ya îşxalkere armanc kena ke gerîlayan tasfîye bikera û vat: ''Ma sey gerîlayan do pê pêro leteyanê xo erdê xo bipawê û qeyî rayîr medê îşxalî. Şero nikayên şerêko normal nîyo. La ma do serra 2022yî bikerê serra azadîye, serkewtişî û ma Rayber Apoyî azad bikerê.Ma venga şarê Başûrî danê ke rayîr medo îxanetî û hetê gerîlayan de ca bigêro.''

Gerîla Ronahîye Herekol vat: ''Ma hêzê xo îdeolojîya Rayber Apoyî ra gênê û xoverdayîşê ey ê Îmraliyî çimeyê hêzê ma yo. Dişmen pê pêro îmkananê xo hêriş keno la o do qetî pê gerîlayanê azadîye nêeşko. Dişmen do bin bikewo, ma do ser bikewê. Ma do bi nê hawayî azadîya Rayber Apoyî û şarê Kurdîstanî bîyarê ca. PDK nê şerî de hemkarîya dewleta tirke keno. Ma venga pêro kurdîstanijan danê ke vera hêrişanê artêşa tirke û hemkarîya PDKyî tewirê xo bimojnê. Ganî pêro kurdî vejîyê waran. Cinî û ciwanê kurdî ganî tewrê refanê gerîlayan bibê.''