Gerîlaya YJA-Starî Nûşîne Botana ke waranê xoverdayîşê gerîlayan de vera hêrişanê îşxalî şer kena ANFyî rê qisey kerd.

Nûşîne Botan îfade kerd ke înan nê hêrişî cara pawitêne û vat: ''Ma amadekarîyê xo kerdbî. Zapî verî zî zaf operasyonî dîyî. Raştîyêke est a ke PDK bîyo parçeyêkê nê hêrişanê îşxalî. PDK verê raştîya şarê kurdî de vindeno û merdimî seba înan vanê 'kurdê ke eşiqê celadê xo yê.'

Şero ke nika yeno kerdene bi çetinî dewam keno. Xoverdayîş û têkoşînêko pîl yeno kerdene. Seke Çîyagerî vato, netîce do bêhempa biba. Senî ke ê 2008 de Zap de bin kewtî û 2021 de Garê de bin kewtî ewro zî no destan do xo dibare bikero. Ê her çiqas metodanê gemarinanê sey kîmyewîyan şuxilnenê zî do nêeşkê verê xoverdayîşê gerîlayan bigêrê. Ma nê warî de wayîrê îmtîhananê pîlan ê.

Nê esasî ser o ma wazenê her kes wa tewrê nê şerî bibo. Têna gerîlayî nê ganî şarê ma zî çar hetanê Kurdîstanî de têbigêro. Şar û gerîlayî pîya do dişmenî çin bikerê.''