Gerîlayanê YJA-Starî Herêmanê Pawitişî yê Meyda de Newroze fîraz kerde û vat: ''Ma do pê xoverdayîşê Mazlûman, bi qerardarîya Zekîyeyan Newroze pîl bikerê. Geşkerdişê adirê Newroze reyde ma do vera polîtîkayanê gemarinan têkoşîn bikerê.''
Gerîlayanê YJA-Starî Herêmanê Pawitişî yê Meyda de adir vist ta û Newroze fîraz kerde.
Gerîlayanê cinîyan bi adirê 'Biciwîyo Serek Apo, Newroze fîraz ba' nuşt û dima govende girewte. Gerîlayan şîîrê Newroze wendî û no mesaj da: ''Ma Newroza Rayberîye ya 50. fîraz kenê. Ma Newroze bi xoverdayîşê Kawayê Hemdemî Mazlûm Doganî û ruhê serewedaritişî yê Zekîye Alkanan fîraz kenê. Ma şarê xo ra pawenê ke bi ruhê Mazlûm û Zekîyeyan biherikê waran.
Seke zanîyeno Newroze roşanê gandarbîyayîşî yê kurdan o. Senî ke xoza wisar de xo newe kena ma zî sey gerîlayan Newroze de xo newe kenê. Ma do pê xoverdayîşê Mazlûman, bi qerardarîya Zekîyeyan Newroze pîl bikerê. Geşkerdişê adirê Newroze reyde ma do vera polîtîkayanê gemarinan ê serê cinîyan têkoşîn bikerê.''
Şayîye de adir ame tavistene û gerîlayan xo serê adirî ra eşt. Rixmê propagandaya 'gerîlayî qedîyayê' gerîlayan bi coşî Newroze fîraz kerde.
Şayîye pê slogananê sey 'Biciwîyo Serek Apo', 'Bê Serek cuye nêbena', 'Bi can û gonî ma to reyde yê Serek' qedîyaye.
