Gerîlaya YJA-Starî Avaşîne Hîzan operasyonê dewleta tirke ya îşxalkere û xoverdayîşê gerîlayan ANFyî rê ercnayî.

Gerîla Avaşîne Hîzan vat: ''Konseptê şerî yê artêşa tirke komelî rê teda û îşkence keno la pê gerîlayan nêeşkeno. Artêşa tirke û medyaya tirke pîya şerê psîkolojîkî kenê û vanê ke operasyonê înan bitesîr ê. La şarê ma zî zaneno ke embazanê ma vera artêşa tirke çalakîyê sabotajî kerdî. Çalakîya embaze Sema Koçer 2019 de morê xo da binê tarîxî, nasnameyê cinîyan ê kurdan zî eşkera kerd. Dişmen her parçeyê Kurdîstanî de hêrişê şarê ma keno. Cinîyê kurdî sereyê xo nêanê warî û pê îradeyê xo şer kenê. Seke Rayber Apoyî vat mumkîn nîyo ke xoverdayîşê PKKyî bin bikewo. Gerîlayî koyanê Kurdîsanî ra şinê, nêvindenê û têkoşînê xo dewam kenê. Operasyonê dewleta tirke armancanê gerîlayan ra nêeşkenê tesîr bikerê. Gerîlayî mîyanê pêro şert û mercan de cewabê îşxalkeran danê. Wezîfeyê gerîlayan pawitişê kurdan, çinkerdişê faşîzmî û wedaritişê tecrîdî yê. Ma wazenê 2021 de tecrîd çin bikerê. La ganî cinîyê xoverdayoxî vera konseptê şerî vejîyê.''