Gerîlayanê YJA-Starî Jîyanda Laşer û Eyleme Dilxwaz ANFyî reyde qisey kerd û bale ante newe ra awanbîyayîş û taktîkanê neweyan de rolê gerîlayan ê cinîyan ser.

Gerîla Jîyanda Laşer vat: ''Embaze Zeynebe Kinaci (Zîlane) serra 1996î de pê taktîkê xo sûîkastê vera Rayber Apoyî rê cewabêko tewr pîl da. Embaze Zîlane hetê averberdişê taktîkî ra bîye rayber. Taktîkê embaze Zîlane fedakarî û çêrî wazena. Ez sey yew gerîla wexto ke tewra çalakîyan bîya pê xo zêdêr bawer bîya. Çalakîyê gerîlayan ê cinîyan zafêr zorê dişmenan şinê. Dişmenî fam nêkenê cinîyî senî nê taktîkan anê ca û tehamulê cinîyan nêkenê. Têgêrayîşê Azadîye yê Kurdîstanî hînî têna destanê fermandaran ê camêrdan de nîyo. Gerîlayê cinîyî yê sey Şehîde Çîçeke, Bêrîtane (Gulnaze Karataş) mîrasêkê şerî ma rê verda. Eke ma hende perwerê îdeolojîya xo nêbîyêne ma sey cinîyan hende dormeyê serkewtişî de kom nêbîyêne. No kombîyayîş zî bawerîya seba felsefeya Rayber Apoyî ra yeno.''

Gerîlaya YJA-Starî Eyleme Dilxwaz zî vat: ''Têkoşînê gerîlayan de averberdişê taktîkan her çî ra girîngêr o. Taktîk seba ma sey awe û nan o. Taktîkî goreyê erd, şert erazî, wextî vurîyenê. Dişmenî zaf propagandaya taktîkanê xo kenê la pê derbêka qijkeke ya gerîlayan ginenê erdî ro. Ma zanenê ke ma seba çita şer kenê. Gerîlaye cinîyî ganî tecrubeyan ra ders bigêrê, kêmasîyanê xo temam bikerê û xo aver berê. Hêzo ke ma şehîdan ra gênê keno ke ma payan ser o vinderê. Ê hetê manewîyî ra hêz danê ma, manaya estbîyayîşî virazenê. Çew wazeno ke têkoşînê şehîdan de rayber bibo.''