Gerîlayanê YJA-Starî yê ke Xakurkê de vera îşxalê dewleta tirke xo ver danê îfade kerd ke bi xîret û keda Rayberê Şarê Kurdî Abdullah Ocalanî ê çeperê xoverdayîşî de yê.

Gerîlayan ANFyî reyde qisey kerd û ard ziwan ke ê 4ê Nîsane pê qerardarîyêka xurtêre ya seba têkoşînî pêşwazî kenê.

Gerîlaya YJA-Starî Bêrîvan Keraşî vat: ''Estbîyayîşê ma, têkoşînê ma berhemêkê Rayber Apoyî yê. Ma bi felsefeya ey vazdenê û têkoşîn kenê. 4ê Nîsanê rojbîyayîşê aferînerê ameyoxê ma yê azadî yo. Ma reyna rojbîyayîşê ey fîraz kenê û sozê xoverdayîşî danê.''

Gerîlaya YJA-Starî Ciwana Destan vat: ''Rayber Apo seba ma cinîyan şertê xoverdayîşî awan kerdî. 4ê Nîsane seba ma roja newebîyayîşî ya. Seba şarê kurdî rojbîyayîşê ey a roj a ke îradeyê asîmîlekaran bin kewt. Ma do teqez seba ci berpirsîyarîya xo bîyarê ca û tecrîd wedarnê.''

Gerîla Axîne Şemzînan zî vat: ''4ê Nîsane xoresnayîşê roşnî yo. Ma prosesêkê zorî de yê. Ma pê qerardarîyêka pîle xo ver danê. Rayber Apoyî vatbi ke xoverdayîşê ma do proses eşkera bikero. Ma rojbîyayîşê Rayber Apoyî de xoverdayîş her ca de pîl bikerê.''