Gerîlayanê YJA Starî ard ziwan ke xeyrê têkoşînê ke Rayberê Şarê Kurdî Abdullah Ocalanî seba azadîya cinîyan da, ewro cinîyê kurdan eşkenê 8ê Adare pîroz bikerê û vat: ''8ê Adare seba ma roja ganîbîyayîşî ya.''
Gerîlayanê YJA Starî bi wesîleya 8ê Adare Roja Cinîyan ê Kedkaran ê Dinya ANFyî rê qisey kerd. Gerîlayan sere de Rayberê Şarê Kurdî Abdullah Ocalan û cinîyê kurdan 8ê Adare heme cinîyan rê pîroz kerd semedê wayîrvejîyayîşê ercanê ke ameyî afernayene veng da.
‘Keda Rayber Apoyî rê wayîr bivejîyê’
Gerîlaya YJA Starî Narîne Şîyar 8ê Adare sey roja ganîbîyayîşî hesibna û vat , ‘‘8ê Adare Rayberîye dîyarîyê ma kerde. Rast o, seba ma her roje muhîm a la 8ê Adare de xoza û koyê adadî bi rengê cinîyan yeno xemilnayene. Oyo ke seba azadîya cinîyan kede daya Rayber Apo yo. Rayberîye, rayîrê azadî û heqîqetî nîşanê ma da û ma zî bîyî cigêrayîşê heqîqet û azadîye. Ma fam kerd ke însan tena koyan ra eşkeno azad bibo û cinîbîyayîşê xo nas bikero. Ez reyna 8ê Adare Rayber Apoyî rê û heme hemrayanê xo rê pîroz kena û vana, Jin, Jiyan, Azadî.’’
8ê Adare seba ma nasnameyêko azad o
Gerîlaya YJA Starî ra Vîyane Avesta zî muhîmîya 8ê Adare arde ziwan û vat, ‘‘Oyo ke na roje dîyarîyê ma kerda, Rayber Apo yo. Ma bi saya Rayberîye bîyî wayîrê tarîxî. Sey cinîyêka kurde koyanê têkoşîn kena. 8ê Adare seba mi yeno maneyê azadîye. Cinîyan seba xo nasnameyêko azad afirnayo û 8ê Adare seba ma nasnameyêko azad o. Ewro ez mewzîyanê şerî de, herêmaanê xoverdayîşî ra cinîyî vanê ez esta û ez wayîrê îradeyî ya, hêzê min ê şerî est o û ez têkoşîn kena. Ez peynî de 8ê Adare Rayber Apoyî rê û heme hemrayanê xo rê pîroz kena û vana, Jin, Jiyan, Azadî.’’
Ma do xetê Berîtane û Zîlanan de rayîr şêrê û vengê azadîye berz bikerê
Gerîlayanê YJA Starî ra Zîlane Firat zî sere de 8ê Adara Rayber Apo û şehîdî û heme gerîlayê ke nika şer kenê, pîroz kerde û vat, ‘‘8ê Adare seba ma gerîlayan weyîrê mane yo muhîm o. Demê ewroyinî de ma cinîyî xover danê nasnameyê xo rê wayîr vejîyenê. Rayber Apo bi serran o ke seba cinîyan kedêka girane dano ma wazenê na kede rê wayîr bivejîyê. Ma wazenê ke wezîfeyê ke kewenê milê ma ser, ma înan bîyarê bi ca û xetê Berîtan û Zîlanan de rayîr şêrê û vengê azadîye berz bikerê. Ez 8ê Adare Rayber Apoyî rê û heme cinîyanê dinya rê pîroz kena û vana, Bê Sereok Jiyan nabê.’’
