Gerîlayanê YJA Starî ra Zîlane Kobanê, Tara Mako û Arîne Merwan bi wesîleya serrgêra Komployê Mîyanneteweyî yê vera Rayberê Şarê Kurdî Abdullah Ocalanî, ajansê ma rê qisey kerd.

 Zîlane Kobanê: Semedê şarê kurdî 15ê Sibate roja tarî ya.  Komployo ke hetê hêzanê mîyanneteweyî ra ame kerdene de îredeyo azad, fîkr, yewîya şaran û azadîya şarê kurdî ameyî hedefkerdene. Çunkê Rayberîye nînan temsîl keno. Wa dişmen nê hole bizano ke Rayberê ma esîr bo zî bi îradeyê azadî têkoşîn keno, komplo û heme hêrişan betal keno. Ma zî sey gerîlayanê YJA Starî do pê çalakîyan komployî betal bikerê. Seba ke cinî vera dewlete sere wedarit, hedefê dewlete de ya. Dewlete wazena îrade û nasnameyê cinîyan û kurdan çîn bikero. Rayber Apo zî semedê azadîya cinîyan û şaran gureyeno. Coka vera ey komplo ame kerdene. Ganî dişmenî ra qesas bêro girewtene. Wa ciwan û şarê ma verê dişmenî de milê xo çewt nêkerê, sere wedarê.

Tara Mako: Bi Komployê 15ê Sibate ame waştene ke verê newe ra ganîbîyayîşê kurdan bêro girewtene. No komplo têna pê destê tirkîya nêbi, engişta zaf hêzanê mîyanneteweyî tede est a. Tarîxî ra heta nika yewna rayberî sey Rayber Apoyî cinî û şarê kurdî nêpawitî û aver nêberdê.  Xeyrê keda Rayber Apoyî ewro ciwanê kurdan û cinîyî rayîrê heqîqetî ra şinê, kulturê xo şinasnenê û wayîrê ci vejîyenê. Vera dişmenî kîn û hêrsê ma her roje zêdîyenê. Ma do nê komployî pê têkoşînî betal bikerê. Herêmenê Pawitişî yê Medya bi tewirê fedaîkî şer yeno kerdene. Çimeyê ruhê na fedaîtîye felsefeya Rayber Apoyî ya.

Arîne Merwan: Komployê 15ê Sibate şexsê Rayber Apoyî de vera heme kurdan ame kerdene. Eke gerîlayî û şarê kurdî têkoşînê xo bikerê yew û girdêr bikerê eşkenê azadîya fîzîkîye ya Rayber Apoyî bîyarê ca. Ma do pê çalakîyanê xo komployî betal bikerê. Ganî şarê kurdî û şarê bînî destê yewbînan tepişê. Ganî ma têkoşînî xurtêr bikerê. Dişmen wazeno ma çîn bikero, bi xurtkerdişê têkoşînî ma plananê dişmenî betal bikerê. Rayberîye binê tecrîdê giranî de têkoşîn keno.  Rayber Apoyî semedê şarê kurdî û semedê ma keda pîle daye. Coka ganî o bibo azad ke no zî pê yewîya şaran beno.