Gerîlayanê YJA Starî ra Agirî Kobanê û Berîtane Amed derheqê serrgêra Komployê Mîyanneteweyî yê 15ê Sibate de qisey kerd.

Agîrî Kobanê bale ante komployê vera Rayber Apoyî ser ke 24 serrî yo ke dewam keno û vat, ‘‘Rayberê ma hemverê dewleta tirke ya faşîste de qet sere nêrona û xoverdayîşê ey tim dewam kerd. Ma gerîlayî zî heta peynîye do xover bidê. Çunke rayberê ma gerîlayan ra bawer keno ke bi şarê xo Kurdîstan de cuyêka azade afirnenê.

Nika Kurdistan de şerêko zaf bişîdet est o. Sere de Avaşîn, Zap û Metîna hêrîşê her cayê Kurdûstanî kenê. Embazê ma yê xoverdayoxî bi hêzê ke Rayberê xo ra girewto, hemverê dewleta tirke ya faşîste de heta hilmê xo yê peyênî şer kenê. Beno ke ma şehîd bidê la heta ke ma xo nêresnê hedefê xo, ma do nêvinderê û ma soz danê şarê xo ke ma peynîya nê kompoloyî bîyarê ke hemverê şarê kurdî de yeno kerdene.’’

Azadîya Rayberîye azadîya şaranê bindestan a

Gerîlaya YJA Starî Berîtane Amed ard ziwan ke Rayber Apo amancê înan ê mucadele, ciwîyayîş û şerî yo û nê vatî: ‘‘Felsefeya Rayberê ma, ya cuya azad a. Amancê komployî bindestkerdişê cinî û şaran bî. Coka serra 1999î de Rayberê ma esîr girewt. Sere de Rojhelato Mîyanên û heme cayê dinya de, êyê ke na felsefe şinasnenê raver şîyî. Bi sloganê ‘Jin, Jiyan, Azadî’ cinî û şarê heme dinya ameyî têhet. Her kes fam kerdo ke azadîya Kurdîstanî, azadîya pêroyê Rojhelatê Mîyayênî ya. Nê koyî, no welat yê ma yo. Ma do fek dewaya xo ra nêverdê.’’