Gerîlayanê YJA Starî  vat xopawitiş têna pê çeke nêbeno. Ganî cinî xo perwerde bikero, nas bikero û welatê xo bipawo.

Gerîlayanê YJA Starî ra Ararate Malazgîrt vat: ‘‘Verê PKKyî mîyanê komelî de xopawitişê cinîyan nêameyene munaqeşekerdene. Badê PKKyî û Şorişê Rojawanî na babete hîna kewte rojdem. Dadîyî û cinîyê ciwanî destê înan de çekî vejîyayî verê komelî û ramojna ke ê xo pawenê. Nê qewimîyayîşê pê paştê PKKyî bîyî. Cinîyan felsefeya Rayberîya ma ra paştî girewte. Seba cinîyan koyan de bîyayîş hîsêko zaf cîya yo. Tîya çew heme çî bi xo keno. Cinî tîya bi çeke xo pawena. Semedê gerîlayanê YJA Starî û HPGyî vera dişmenî pawitişê şar û erdê Kurdîstanî zaf muhîm o. Semedê naye zî îredeyo xurt hewce keno û no zî gerîlayan de esto.‘‘

Gerîlayanê YJA Starî ra Sarya Çîya zî bale ante muhîmîya xopawitişê cinîyan ser û vat: ‘‘Ganî cinî bieşko heme çîyî bi xo bikero. Xora tîya çîyo ke ma kenê heme vinderitşêkê xopawitişî yo. Zafê herêman de xeylêk qilan de cinîyî têna yê. Xopawitişê ê cayan destê hemrayanê ma cinîyan de yo. Mîyanê komelî de cuyayîş zî cinîyan rê zaf eyseno la badê PKKyî seba cinîyan zaf çî bedilya. Cinî bîyî wayîrê qerar û xoser. Bitaybetî zî Rojawan de wextê şerê Kobenê de îradeyê cinîyan ê kurdan heme dinya de ame eşnawitene. Kobanê de tewr zaf na qehremanîya ameye dîyene. Ewro vindertişê nê xoverdayîşî û xopawitişî heme heme pêroyê Kurdîstan de vila beno û heme cinîyan ê dinya rê beno îlham.‘‘