Vervatoxa TJA Ayşe Gokkan tacîz, tecawuz,tecawuz û şîdetê vera cinîyan de tay ercnayîşî kerdî. Ayşe pare kerd ke şaristananê Kurdîstanî de prosesê şerî esto û serebûtê tacîz û tecawuzî zî çarçewa konseptê şerê taybetî de qewimîyenê. 

Ayşe vat: ''Serra 1993î de de Mêrdîn de Ş.A. qereqolê Dêrikî de maruzê tecawuzî bi. 400 leşkerî û fermandar Musa Çîtîl ameyî hukmkerdene la dima vera  dîyayî. Dima serra 2013î de Musa Çîtîl Amed de bi fermandar. Dewlete nê kesan perwerde kena û qestî ra şawena Kurdîstan. Erdogan dîn xebitneno. Goreyê ci alkol gune yo la leşkerê ke tecawuzê cinîyan kenê bi vatişê 'Ez serxweş bîya' vera dîyenê. Hema zî ma vîrî de yo ke Erdogan varbi ke domanî zî cinîyî zî bê wa bêrê kiştene. Xoverdayîşê xoîdarekerdişan de leşkeran dêsan ro derheqê cinîyan ê kurdan de nuşteyê nîjadperestî nuştêne. Ê zî serxweş bibî? Na hîşmendîye hîşmendîya DAÎŞî ya. AKP û DAÎŞ wayîrê heman hîşmendî yê. Wird zî wexto ke hêrişê Rojhelatê Mîyanênî kenê hêverî cinîyan kenê hedef. AKP zî sey DAÎŞ bitehluke yo. Ganî dewletê mîyanneteweyî vera nê tehlukeyî koalîsyonêk awan bikerê. Tirkîya hêrişê welatanê bînan û cinîyan kena. 

Peymana Îstanbulî serra 2014î de ameye îmzakerdene la nêameye caardene. AKP nika zî wazeno peymane wedaro. 2 noqtayê girîngî yê peymane estê; vergirewtişê şîdetî û pawitişê mexduranê şîdetî.  Ewro mesuldarê nê şîdetî bo xo dewlet a.

Eke Peymana Îstanbulî bêra caardene cinîyî her roje medyaya komelkîye de edalet nêwazenê. Ganî pêro komel derheqê heqanê cinîyan de bêro perwerdekerdene.''