Panelo ke Meclîsê Cinîyan yê Rorjbînî organîze kerd unîversîte de ame viraştene.

Anja Flach moderatorîya panelî kerde, Rojawan ra cinîyê kurd, sûryanî û erebî tewrê ci bîyî û şorişê Rojawanî ser o qisey kerd.

CINÎYÎ BÎYÊ WAYÎRÊ QERARÎ

Bi nameyê Kongra Starî  Avîn Sewaîd dîyar kerd ke cinîyan bi felsefeya  vatişê „heta cinî azad mebo, komel azad nêbeno“ yê Rayber Ocalanî xoverdayîşêk da û bîyê wayîr qerarî.

SEBA XO PAWITIŞÎ MA TIFING GIREWT

Temsîlkara Cinîyan ê Sûryanîyan Nazîra Goreya zî vist vîrî ke şarê sûryanî- asûrî tim binê zilmî de yo û va: ‘‘Wextê hêrişê DAÎŞî de  seba xo pawitişî ma bi cinîyanê kurdan têkoşînêko şirîk da. Seba tecawuz û mergî ra xo pawitişî, çekê ke ma bina tira hesnêkenî, ma ê girewtî xo dest.‘‘

MA ŞERWANANÊ KURDAN RÊ ZAF ÇÎ DEYNDAR Ê

Bi nameyê cinîyanê ereban  Khawla Alîşa Alhammoud  zî wina va: ‘‘ DAÎŞî cuya ma ser û bin kerde. Wexto ke YPG-YPJ Reqa xelisna, seke ke ma newe ra bêrê dinya. Xeylê cinîyî vejîyayî meydan û yerimê sîyayî dirnayî. Ma şerwananê kurdan rê zaf çî deyndar ê.‘‘