Meclîsê Cinîyan ê HDPyî pê tewrbîyayîşê Vervatoxa Meclîsê Cinîyan ê HDPyî Ayşe Başaran û wekîlanê HDPyî, Meclîsê Cinîyan ê HDKyî, Meclîsê Cinîyan ê KCDyî, Komîsyonê Cinîyan ê DBPyî, Xelisîyayîşê Cinîyan, SKM, Cinîyanê SODAPî, Meclîsê Cinîyan ê SYKPyî, TJA û Cinîyan ê Çepgîran Parka Kugulu ya Anqara de dest pê kampanyaya 'Têkoşînê cinîyan her ca de yo.'

Eşkerayîya kampanya herê Meclîsê Cinîyan ê HDPyî Ayşe Acar Başaran ra ameye wendene.
Eşkerayîye de nê çîyî ameyî vatene: ''Îtîfaqê AKP-MHPyî prosesê janî xo rê firsend dî û pê destê qeyûman vera îradeyê şarî darbe kerde. Heman wextî de vera kultur û ziwanê şarê kurdî zî hêrişî yenê kerdene. Vera sîstemê ma yê hemserekîye û destkewteyanê ma hêrişî yenê kerdene. Wekîla ma Leyla Guven a ke dest nîya wekilîya aye ser, cuya xo naye têkoşînê azadîye yê şarê kurdî ser.

Reşwa 'normale' ya AKP-MHPyî dişmenîya cinîyan a. Cinîyî nê kuçeyan ra anêgêrenê. Ma sey cinîyan mîrasê xo yê têkoşînî Rosa, Clara, Sara, Xoverdayîşê Gezî û cinîyanê azadîwaştoxan ê 8ê Adare ra gênê. Ma do nê têkoşînî dewam bikerê. Eke vera destkewteyanê me hêriş estbo vera naye xoverdayîş û têkoşînê xinîyan estbê Vera serwerîya camêrdan ma dest pê kampanyaya 'Têkoşînê cinîyan her ca de yo' kenê. Na kampanya do mengêke dewam bikera.

Meclîsê Cinîyan ê HDPyî vera qeyûm, îstîsmar, qanûnê înfazî, şîdetê serê cinîyan meclîs, kuçe, meydan, keye û kargehan de xo ver bido û tewrê çalakîya bibo.''