Meclîsê Cinîyan ê HDPyî derheqê destbendkerdişê Hemsereka ESPyî Ozleme û endamanê SKMyî de eşkerayîyêke daye. Eşkerayîye de nê çîyî ameyî vatene:
''Embazê ma yê ke ameyê destbendkerdene têkoşînê azadîya cinîyan kenê û tim kuçeyan de yê. Îqtîdar vengê nê cinîyan ra terseno û her roje pê operasyonan wazeno ke vengê înan nizm bikero. Wa ganî bêro zanayene ke nê polîtîkayî do pê nê cinîyan nêeşkê û qerardarîya nê cinîyan têkoşîn do xurtêr bikera.

Hêrişê vera cinîyanê ke seba operasyonê vera endamanê Komeleya Rosa û aktîvîstanê TJA, qetilkerdişê Pinare Gultekîn, nîqaşê Peymana Îstanbulî vejîyenê meydanan, mojnenê ke îqtîdar çend dişmenê cinîyan o. Îqtîdarî vera cinîyan şerêk da destpêkerdene.

Her tim ma pîya mil bi mil meydanan de têkoşîn kerd. Ma do qet têkoşînî ra gamêke apey nêerzê.

Bêrê ma pîya vera înanê ke wazenê cuya ma ser o bire bigêrê vengê xo berz bikerê.''