Hemsereka verêne ya Meclîsê Xoserîya Demokratîke yê Şingalî (MXDŞ) Rihane Heco bi wesîleya serrgêra Qirkerdişê 3ê Tebaxe ANFyî rê qisey kerd.

Rihane Heco pare kerd ke gorê komkî nîşanê qirkerdişî yê la hêzê mîyanneteweyî nêwazenê delîlî vejîyê weret. Rijane Heco vat: ''Hêzanê mîyanneteweyîyan  semedo ke debikewê Kurdîstan DAÎŞ şuxilna. Ma ameyî parçekerdene bîyî hacetê nê şerî. Şerê Rojawanî şerê tirkan û kurdan nîyo, şero îdeolojîk o. 

Semedo ke hêzê mîyanneteweyî şarê kurdî û êzidîyan seba projeyanê xo sey tehluke vînenê hêrişê ci kenê. Şarê kurdî û êzidîyî o şar nîyê ke mila xo çewt bikerê. Raştîyêka nê şarî esta. Iraq binê tesîrê Tirkîya û Amerîka de yo. Şarê kurdî û êzidîyî ney qebul nêkenê. Êzidîyî eşkenê payanê xo ser vinderê. Êzidîyî girêdayeyê erdê xo yê. 

Qirkerdişê 3ê Tebaxe de nêzdîyê 7 hezar cinîyî û domanî kewtî destê DAÎŞî. Goreyê doneyanê Neteweyan ê Mîyanneteweyîyan 3 hezar û 500 cinîyî kewtî destê DAÎŞî û 360 hezar êzidîyî bîyî koçber. Nînan ra nêzdîyê 100 hezar şingalijî agêrayî Şingalî. Eke gorê komkî bêrê akerdene ma do bizanê ke çend merdimê ma kişîyayê. Hewceyê bi dokument û delîlan çin o. Gorê komkî delîlê tewr pîlî yê nê qirkerdişî yê. Gorê komkî yê dewa Koçoyî eşkera yê. Qirkerdişê êzidîyan parçe parçe gêrîyeno destan.''