Qezaya Dirbêsîyê ya Hesekê de endamanê Kongreya Starî bi eşkerayîyêka çapemenîye tecrîdê Îmrali û qerarê Mehkemaya Heqê Merdiman ya Ewropa ke muracatê Ocalanî red kerdbî, şermezar kerd.

Bi desan cinîyî verê banê Kongreya Starî de ameyî pêser û bi eşkerayîyêka tecrîdê îmrali û paştîgerîya Ewropa rê hêrsê xo ardî ziwan û azadîya Ocalanî waştî.

Eşkerayîye hetê îdarekaranê Kongreya Starî ra Zindan Hesoye ra ameye wendene.

Cinîyan dîyar kerde ke azadîya Ocalanî azadîya cinîyan a û cinîyî bi xoverdayîşî tecrîdî wedarnenî.

Endamanê Kongreya Starî veng da cinîyan û waşt ke wa vera tecrîdî de bêveng memanî û her cinîye seba azadîya Ocalanî çîyêk bikero.

Çalakîye bi silogananê ‘Bê Rayberî cuye nêbena‘ qedîyaye.