Hemsereka HDPyî ya Amedî Hulya Alokmen Uyanika ke derheqê ci de qerarê tepiştişî amebi dayene 14ê nîsane de Mêrdîn de ameybî destbendkerdene.

Hulya Alokmen ewro Mêrdîn de vejîyaye mehkeme. Hemsereka Pêroyî ya DBPyî Salîha Aydenîz, Wekîla HDPyî  ya Amedî Semra Guzel, Hemserekê HDPyî yê Amedî Zeyyat Ceylan û hemserekê HDP û DBPyi yê Mêrdînî zî edlîye de hazir bî.

Pê sîstemê SEGBİSî Mehkemeya Cezaya Girane ya 9. ya Amedî ra Hulya Alokmen rê qeraro ke derheqê ci de ameyo girewtene ame wendene û dima ra şawîyaye Zîndanê Tîpê E yê Mêrdînî.