Herêma Kurdîstanî de seba cinîyan fetwaya qedexeyê taksîyan

Herêma Federe ya Kurdîstanî de dezgehêkê bi nameyê ''Heyetê Berzî yê Fetwayan'' fetwayêke daye ke asteng kena ke cinîyî têna cinuşê taksî. Vera fetwa nêrazîbîyayîşî ameyî mojnayene.

Herêma Federe ya Kurdîstanî de dezgehêkê bi nameyê ''Heyetê Berzî yê Fetwayan'' 4ê kanûne de fetwayêke daye ke cinîyî têna nêgêrê û nêcinuşê taksî.

Sere de ramitoxanê taksîyan vera fetwa zaf kesan nêrazîbîyayîşê xo mojnayî. Ramitoxan îfade kerd ke bi na fetwa ê binê zanî de manenê û sey ''gumandar'' yenê mojnayene. Vera 'fetwa' zaf beşanê komelî ra nêrazîbîyayîşî benê berz. Bale ameye antene ser ke bi na fetwa yeno astengkerdene ke cinîyî warê komelkî de bi hawayêkê têna têbigêrê.