Şaristanê Hildesheim û Duisburgî yê Almanya û şaristanê Marsilya yê Fransa de cinîyê Kurdîstanî vejîyayî meydanan û înan hêrişê dewleta tirke yê vera cinîyan û hêrişê faşîstî yê Tirkîya protesto kerdî.
Şaristanê Hildesheim û Duisburgî yê Almanya û şaristanê Marsilya yê Fransa de cinîyê Kurdîstanî vejîyayî meydanan û înan hêrişê dewleta tirke yê vera cinîyan û hêrişê faşîstî yê Tirkîya protesto kerdî.
Hildesheim
Şaristanê Hildesheimî yê Almanya de hêrişê îşxalî yê dewleta tirke pê çalakîyêke ameyî protestokerdene. Çalakîye de alayê TEV-DEM, HDP û TJK-E ameyî berzkerdene û vilawekê almankî ameyî wendene. Çalakîye de seba boykotkerdişê turîzmê Tirkîya veng ame dayene.
Duisburg
Dusiburg de protetsoyê şîdetê vera cinîyan hewteyê 5. de zî dewam keno. Çalakîye de alayê TJK-E û HDPyî û pankartê vera hêrişanê serê cinîyan ameyî berzkerdene. Çalakîye de Amara Tolhildan nameyê Meclîsê Cinîyan ê Şehîde Asya Yuksel qisey kerd û vat: ''Ma hîşmendîya tecawuzkere ya dewleta tirke şermezar kenê û venga pêro cinîyan danê ke têkoşîn bikerê. Bêrê ma vera zulmê Efrînî û kolonyalîzmî tewirê xo eşkera bikerê.''
Marsilya
Şaristanê Marsilya yê Fransa de zî cinîyî vera hêrişanê faşîstan ê Tirkîya û vera hêrişanê serê cinîyan vejîyayî meydanan. Cinîyan pare kerd ke îşxal û qirkerdişî nêrê qebulkerdene. Çalakîye de posterê Rayberê Şarê Kurdî Abdullah Ocalanî û flamayê TJK-E ameyî berzkerdene.
