Bajarê Kalkuta yê eyalatê Bengalê Rojawanî yê Hindistanî de 9ê tebaxe de cinîya doktore raştê tecawuzî ameye û amaye qetilkerdene. Cinîyî xeylêk cayanê Hindistanî de vejîyayî kuçeyan. Cinîyan çalakîyanê xo yê cîyayan de ê ke universîte, heyata tîyatro û termînalê otobusan kerdî, destê yewbînan tepişt bi slogana '2ma edalet wazenê'' qîrayî.  Rojnamgerê ke herême de xebiteynê vat: ''Ma çirey nêdî bajar de saetanê şewe de hende cinîyî rayra şiyî.''

Wextê qirkerdişî ra cinîyî kuçeyan de yê. Roja 8ine ya protesoyan de bi hezaran cinîyê ke kuçeyan de semedê edaletî qirayî pankartê ''Jin Jiyan Azadî'' kirişt.

Çalakîyî bajaranê sey Delhi, Haydarabad, Mumbai û Pune de ameyî kerdene.Polîsan semedê vilakerdişê çalakwanan bi bombayanê hesran hêriş kerd.

Derheqê tecawuzî de polîsan kesêk destbend kerd. Badê sûcdarîya îxmalî dosya polîsanê cayîyayan ra gerîyaye dîyaye Buroyê Cipersayîşî yê Merkezî.