Eyaletê Kerayla yê Başûrê Hîndîstanî de seba ke cinîyî serê aşme vînenî, 10 ra heta 50 serre cinîyan rê şîyayîşê Îbadetxaneyê Sabarimala qedexe bi. No qedexeyo ke bi seserran o rameno, hetê Mehkemaya Berze ya Hîndîstanî ra ame wedarnayene.

Qerar hetê panc hakimanê Mehkemaya Berze ya paytext Newe Delhî ra ame girewtene. Ame vatene ke cinîyan rê qedexekerdişê îbadetxaneyî, qeydeyê seyyewbînî îxlal keno û reyna goreyê azadîya îtîqatan zî xelet o.

Dewro peyên de Mehkemaya Berze ya Hîndîstanî seba heqê merdiman xeylê qerarê muhîmî girewtî. Nînan ra yew zî cezaya hepsî ke dîyayêne hemcînselan, serê aşme de ameybî wedarnayene.