Pê wesîleya ke îqtîdarîya Benito Mussoliniyê faşîstî 25ê nîsane de rijîyaye hunermenda kurde Mizgîne Tahîr, kaykerdoxa Le Casa De Papelî Itziar Ituno û hunermenda îtalyane Erica Boschiero pîya deyîra Ciao Bella vate. Deyîre bi kurdkî, îspanyolkî û îtalyankî ameye vatene.

Hetê bînî ra kaykerdoxa Le Casa De Papelî Itziar Ituno mesajêk weşane û bale ante girîngîya xoverdayîşî ser û cinîyê kurdî zî silam kerdî.

Klîbê deyîre de dîmenanê partîzanan ê cinîyan ê ke vera Musoliniyî bîyî ca girewt. Hunermende Mizgîne Tahîr seba deyîre vat: ''Dinya de zaf zulm esto la vera zulmî zî xoverdayîş esto. Her kes neçare yo ke cuye de xo ver bido. Xoverdayîş ciwîyayîş o.''