Hêzê Pawitişê Komelkî yê Cinîyan (HPC-Jin) seba ke rolê pawitişî yê cinîyan zixm bikerê, rêxistinbîyayîş aver berê û meseleyanê cinîyan çareser bikerê qezaya Rimêlanî ya Qamişloyî de Merkezê Kultur û Hunerî yê Aram Tîgranî de konferansê xo yo verên viraşt.

Konferanso ke bi şîare ''Pawitiş temînatê ciwîyayîş, estbîyayîş û azadîye yo'' ame kerdene 62 delegeyê HPC-Jin, temsîlkarê dezgehanê pabesteyê Îdareyê Xoserî û endamê YPJyî tewrê ci bîyî. Qiseykerdişan de ame vatene ke problemî bi perwerdeyî yenê çareserkerdene.

Konferans de nê birî dîyayî:

Seba cinîyan akademîyê taybetî wa bêrê akerdene.

Warê pawitişê komelkîyî de bernameyê perwerdeyî wa bêrê rêxistinkerdene.

Pêro herêman de perwerdeyê pêrodayîşî wa bêrê kerdene. 

 Pêro herêman de merkezê pawitişê sivîlî wa bêrê akerdene.

Meclîsanê cinîyan de komîteyê pawitişê komelkîyî wa bêrê akerdene. 

Konferans wendişê biran ra dima qedîya.