Dezgehê dewlete ‘Formê Tarîxê Ganîyî‘ bi eşkerayîyêka da zanayene ke Vasqueze welatanê muhafazakarî yê dinya ra El Salvador de têkoşîno ke seba heqê kurtajî dayo, layiqa na xelate ya.

Ame vatene keVasqueze dejêko kesîtî açarnayo hêzê û welatê xo de paşt û ûmide dayo keyanyanê gencan û cinîyan.

10 SERRE Û 8 AŞME ZÎNDAN DE MEND

Vasqueze serra 2007î de wexto ke fabriqa de xebityayêne xora şîbî û 9 aşmê domanê ci ver şibi. La polîsan îddîa kerd ke aye domanê xo bi waştişa mirnayo û eştê zindan. Bado zî suce qetilkerdişî ra 30 serre caza dîya Vasqueze û 10 serre û 8 ame zîndan de mend. Bi paştidayîşê rêxistinanê cinî û hegê mediman emser aşma sibate de Vasqueze serbest ameyî veradayene. Dima ra cade dest kerd kampanyaya heqê kurtajî.

25 CINÎYÎ KURTAJÎ RA SEY KIŞTOXÎ ZÎNDAN DE YÊ

Goreyê Rêxistinê Afî yê Mîyanneteweyî El Salvador de 25 cinîyî bisebebo ke kurdaj kerdo, sucê qetilkerdîşî ra zîndanan de yê. El Salvador de riskê mergî zî bibo destûra kurtajî çîn o.

VERA QEDEXEYÊ KURTAJÎ 209 HEZAR ÎMZAYÎ

Rêxistinê Afî yê Mîyanneteweyî xeylê wexto ke seba wedartişê qedexeyê kurtajî û cinîyê ke sucê kurtajî ra zîndan de yê seba azadîya înan xebatan rameno. 57 welatan de seba naye kampanya da rametene û 209 hezar îmzayî aredaye û teslîm hukmatê El Salvadorî kerdî