Rojnameyê Newaya Jin o ke perîyodêka aşmêne yo, hûmara ci ya teşrîna peyêne bi spotê "Îtaat çin o, mucadele dewam keno" ame weşananyene. Hûmara 176. de babetê tesîrê şîdetî yê verba cinîyan, xozayî û cuya rojane û hêrişanê îşxalkarî yê Dewleta Tirkî yê verba Vakur û Rojhelatê Sûrîye yenê destgirewtene.

Hûmara teşrîna peyêne de Melek Ondere derheqê pîya têkoşînê cinîyan ê verba şîdetî de nuşt. Ekîn Ege dinya de xoverdayîşê cinîyan ser o nuşt. Rojnamegere Guler Yildize dinyaya domanan de tesîrê cînsîyî ser o nuşt. Ruşen Celale derheqê têkoşînê Kurdan verba îşxalkarîya Dewleta Tirkan û DAÎŞ'î yê Vakur û Rojhelatê Sûrîye de nuşt. Rojnamegere Nazan Ustundage û Zerya Gul derheqê kolektîfkerdişê têkoşînê edaletî de nuşt. Ronî Eylem derheqê faşîzmê Tirkan û medyaya Tirkîya de nuşt. Aktîvîsta TJK-E Hanim Oruncake derheqê hemleya cinîyanê Kurdan de nuşteyêk nuşt. Helîn Asî derheqê vurnayîşê îklîmî de dosyayêke amade kerde.

Reyna hûmara teşrîna peyêne ya rojnameyî de hetê Ronahî Pazarcike ra bîyografîyê Bese Anuşe, Wayanê Mîrabelî, portreyê aktîvîst û nuştoxa Amerîkayîje Bell Hookse ame amadekerdene. Hûmare de erjnayîşê Roza Metîna yê edebîyat ser esto û Evîn Faraşîne zî nuşteyê xo yê bi nameyê 'kelecanê çalakîya verêne' na hûmara rojnameyî de ca gêna.