Cinîyê Jinwarî verî ke vîrusê Korona vejîya werte sîstemêk awan kerdbi. Cinîyî pê nê sîstemî xo pawenê. Kesê ke wazenê debikewê Jinwar neçare yê ke maske û lapikan xo rê bidê. Pêro hewcedarîyê Jinwarî hetê Îdareyê Xoserî ta yenê peydakerdene. Cinîyî kincanê ci zî tede her çî bi xo virazenê. Zaf dewijî zî yenê merkezê weşîye yê Jinwarî. Xebatkaranê merkezî ra Hena Silêman îfade kena ke ê wexto ke nêweşî weş kenê miqatê xo zî benê. Hena ana ziwan ke sîstemê Jinwarî ra ê hewce nêkenê ke bivejîyê teberî.

Rixmo ke dekewtiş û vejîyayîşê dewa Jinwarî çin ê cinîyan vera vîrusî tedbîrê xo girewtî. Cinîyî dewe de maske û lapikan xo rê danê. Cinîyî giranîye danê mesafeyê komelkî zî.