Şaristanê Bordeauxî yê Fransa û şaristanê Kolnî yê Almanya de cinîyan çarçewa Kampanyaya '100 sebebê seba hukmkerdişê dîktatorî' ya TJK-E de îmzayî arê dayî.

Koln

Meclîsê Cinîyan ê Vîyane yê Kolnî reya 9. şaristan de stand akerd. Cinîyan stand de fotografê ke hetê îqtîdarê AKPyî ra kişîyayî mojnayî. Cinîyan 500 îmzayî arê dayî. Meclîsê Vîyane armanc keno ke 8ê Adare de çalakîya rayraşîyayîşî de girseyanê pîlêran rê kampanya bido şinasnayene.

Bordeaux

Komunê Cinîyan ê Avesta Xamûr standêk akerd û îmzayî arê dayî. Komun her çarşeme meydan de standêk akeno. Stand de derheqê kampanya de agahîyî dîyenê.