Têgêrayîşê Şorişê Yewbîyayeyî yê Cinîyan (KBDH) derheqê hêriş û kişîyayîşanê cinîyan de eşkerayîyêke nuştekîye daye.

Eşkerayîya KBDHyî wina ya:

''Cinîyî vera tacîz, tecawuz, îstîsmar û cînayetan kuçeyan de vera sîstemê kapîtalîst-pederşahî sloganê 'Ma hîş nêkenê, nêtersenê, îtaat nêkenê' qîrenê. Ma do nê sîstemî qetî pê destanê xo pûç bikerê. 

Dewleta TCyî ya faşîste prosesê janî de cinîyî kerdî zereyê keyeyî û tecawuzkerî, kiştoxî verdayî kuçeyan. Tesîrê nê kerdişî dewam kenê;  3 rojan de 4 cinîyî ameyî qetilkerdene. Na dewleta ke hêrişê destkewteyanê cinîyan û Peymana Îstanbulî kena faşîst a! Leşker û cergê na dewlete zî Rojawan, Heftanîn û Vakurê Kurdîstanî de tecawuz sey polîtîkaya şerê taybetî anê ca. Nê cinîyan rê ke esîr girewtî îşkence û hêrişê cînsî kenê, nêngan çînenê, gefan wenê. Vera nînan cewabê ma xoverdayîş o.

Ma do kuçe û mewzîyan nêteriknê, adir biverdê bendan. Çalakîya ma ya Çelê seba pêro cinîyan sondê qesasî bîye.Çalakîyê ma yê metropolan zî nîşaneya çinkerdişê îqtîdarî ya. Ma rixmê pêro şîdetî zî sîstemê kapîtalîst-pederşahî do pûç bikerê.

Ma mexdûrê şîdetê îqtîdarî nê, şerwanê têkoşînê cuya newîye yê. Ma do nê şerî pîlêr bikerê û pêro kela û mewzîyanê sîstemê kapîtalîst-pederşahî çin bikerê.''