Hemserekîya Konseya Rayberdişî ya KCKyî bi wesîleya 4ê Nîsane rojbîyayîşê Rayber Apoyî yê 76inî eşkerayîye daye û nê vatî:

''Şarê kurdî 4ê Nîsane sey rojbîyayîşê xo vîneno û bi heskerdiş, coş û şukranî fîraz  keno. Ma zî na roja bimana ke semedê şarê ma yena manaya newerabîyayîşî selam kenê û sere de Rayber Apo, şarê kurdî, heme şaran, cinîyan û dostan rê fîraz kenê.

Bêşik bîyayîşo ke 4ê nîsane de bi semedê şarê kurdî destpêkerdişê mîladêkê neweyî yo. Rayber Apoyî bi destpêkerdişê têkoşînê azadîye şarê kurdî ke bi çînbîyayîşî rî bi rî mendbi newe ra wurzna payan ser, kerd zanaye û fîna mîyanê têkoşînî. Şarê kurdî xeyrê nê xo her hetî ra newe ra pêard. Şarêko ziwan, kultur, nasnameyê ci ameyo înkarkerdene, welatê ci ameyo parçekerdene, raştê qirkerdişan ameyo, semedê azadîya ci têkoşînkerdiş û serkewtiş rehet nêbi la bingeyê nê de heskerdişê welat û azadîye bibi. Coka şarê kurdî Rayber Apoyî ra zaf hes keno, bîyayîş û estbîyayîşê Rayber Apoyî  sey ey xo vîneno. Bi nê zanayîş û hîsan 4ê Nîsane bi heskerdiş û şukranî fîraz keno.

Rayber Apoyî seba ke cinîyan koletîye ra bixelisno têkoşînê azadîye yê Kurdîstanî bi waştişê azadîya cinîyan aver berd, rayîrê têkoşînî mojna cinîyan û verê înan akerd. Coka sere de cinîyê kurdan cinîyî bi heskerdişî pabesteyê Rayber Apoyî yê. 4ê Nîsane bîyayîşê cinîya azade yo. Coka cinîyî bi coşî 4ê Nîsane fîraz kenê.

Ma reyna na roje bimana fîraz  kenê û veng danê ke 4ê Nîsane wa bi ronayîşê leyan bi coşî bêro pîrozkerdene. Reyna ma veng danê şarê xo ke wa verê xo bido Amara ke Rayber Apo tede ameyo dinya. Gerek sîstemê Îmraliyî bêro rijnayene û azadîya fîzîkîye ya Rayber Apoyî bêro caardene. 4ê Nîsane gerek çarçewaya azadîya fîzîkîye ya Rayber Apoyî de bêro fîrazkerdene û ewro ra tepîya zî  semedê nê têkoşîn bêro xurtkerdene. Azadîya Rayber Apoyî azadîya şarê ma, şaran û cinîyan a.''