Bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan Rêxistina Cinîyan ê Azadîwaştoxan a Kurdîstanî (RJAK) şaristanê Kerkûkî yê Başûrê Kurdîstanî de tay semînerî dayî.

Endamanê RJAKî dibistanî zîyaret kerdî û tede semînerî dayî. Xeylêk cinîyî û domanê kênayî tewrê semîneran bîyî. Semîneran de qala têkoşînê cinîyan ê vera şîdetî, hîşyarkerdişê komelî ameye kerdene.

Endamanê RJAKî derheqê roja 25ê Teşrîna Peyêne de, girîngîya ci de zî agahîyî dayî. Semîneran de bale ameye antene ser ke cinîyî senî eşkenê vera şîdetî têkoşîn bikerê û çareserîyî ameyî nîqaşkerdene.