Keyeyê Gulîstane Dokuya ke 5ê çeleyê 2020î ra nata vînîbîyaye ya, verî roniştişê dewa verê Edlîyeya Dêrsimî de çalakîya roniştişî kerde. Keyeyê Doku ewro do ver bi Ordu çalakîya rayraşîyayîşî bikero.
Wendekara Zanîngehê Munzurî Gulîstane Doku 5ê çeleyê 2020î de Dêrsim de dîyaye vînîkerdene. Ewro roniştişê dewaya tazmînatî ya vera Aygule Doku bêro kerdene ke keyeyê Zaynel Abarakovî vera Aygule Doku akerd. Roniştişî ra verî dadîye Bedrîye Doku û babî Halît Doku verê Edlîyeya Dêrsimî de çalakîya roniştişî kerde.
Aygule Doku da zanayene ke semedo ke aye vato 'wa keye de cigêrayîşo krîmînal bêro kerdene' ci rê dewa ameye akerdene. Aygule Doku vat: ''Ma siba (ewro) dadgerî rê pers bikerê ke 'Gulîstane Doku ça de ya.' Ma nê ganî sûcdarî bêrê muhakemekerdene. Cinîya 21 serre şaristano ke bi kemerayan girewte yo de nêna dîyene. Şima serrêke vat Gulîstane Pirdê Dînarî ra xo eşt war. Walîyê ê çaxî yê Dêrsimî Tuncay Sonelî no vat, eke Gulîstan xo kişta şima çira cenazaya ci nêdanê ma?
Ma do siba ver bi Ordu çalakîya rayraşîyayîşî bikerê ke Sonel nika uca de wezîfedar o. Asayîşê Dêrsimî sûcdar û versûcan nê mi teqîb keno. Serekkomarî vatbi ke Zeynal Abarakov û keyeyê ci do bêrê muhakemekerdene. La hema zî çîyêk nêqewimîya. Semedo ke faîlî bêrê muhakemekerdene ma do ver bi Orduyî şorê.''
Polîsan dima hêrişê keyeyê Gulîstane Doku kerd. Hêriş de Aygule Doku xo ra şîye.
