Gulten Kişanaka ke zîndanê tirkan de sey rehîn yena tepiştene, bi cînîyanê tepişteyan kitabêk nuşt. Kitab bi nameyê ‘Rengê Morî yê Sîyasetê Kurdan' 21ê êlule de do refanê kitabroşan de cayê xo bigîro.
Kitabê ‘Rengê Morî yê Sîyasetê Kurdan’ de cinîyê ke sîyaseto herêmî û pêroyî de ca guretî û nika zîndan de yê, tecrubeyê înan girîyeno dest. Kitab hetê Weşanxaneyê Dîpnotî ra yeno weşanayene û do 21ê êlule de bireso wendoxan.
‘TÊKOŞÎNÊ CINÎYAN VERNÎYA ZÎHNÎYETÊ NÊRÎ GÊNO‘
Hemşaredara Bajarê Girdî ya Amedî Gulten Kişanaka ke qeyûm tayînê herinda aye bi û zîndan de sey rehîne yena tepiştene, no kitab nuşt û sîyasetmedarê cînîyê bînî ke zîndan de yê, înan zî bi nuşteyanê xo paştî da aye.
Kitab de têkoşînê cinîyanê kurdî yê herêma sîyasî, sîstemê serdestî yê camêrdî senî pêser qeldeya, no girîyeno dest. Reyna xoverdayîşo qerarin yê cinîyan krîz û xetê nimiteyî yê sîstemê nêrîyî senî kerdî zelale ser o yeno vindetene.
‘CINÎYÊ KE KITAB DE NUŞTΑ
Kesê ke kitab de nuştî nê yî: “Aysel Tugluke, Burcu Çelîk Ozkane, Çaglar Demîrele, Dîba Keskîne, Dîlek Hatîpoglu, Edîbe Şahîne, Evîn Keve, Fatma Dogane, Fîgen Yuksekdage, Gulser Yildirime, Leyla Guvene, Nurhayat Altûne, Sara Kaya, Sadîye Suer Barane, Sebahat Tuncele, Selma Irmake, Servîn Karakoçe, Yildiz Çetîne, Zeynep Han Bîngole, Zeynep Sîpçîke, Mukaddes Kubîlaye.”
Karo ke kitab ra bêro qezenç kerdene do bidîyo banana wendişî yê cinîyan.
