Komeleya Cinîyan ê Azadan a Rojhelatê Kurdîstanî (KJAR) pare kerd ke Zeynebe Celalîyan zîndan de pê vîrusê Korona kewte û rewşa ci ya weşîye hol nîya. 

Eşkerayîya KJARî ya derheqê Zeynebe Celalîyan de wina ya:

''Seke yeno zanayene mengêke ra zêdêr Zeynebe Celalîyan Zîndanê Ûrmîye ra ameye berdene bi Zîndanê Qereçekî. Zîndanê Qereçekî seba tepişteyanê sîyasîyan cayêko biasayîş nîyo. Rejîmê Îranî cara tepişteyanê sîyasîyan rê zulm û îşkence keno. 

Heyf o ke Zeynebe Celalîya zîndan de pê vîrusê Korona kewte û rewşa ci ya weşîye hol nîya. Hetê bînî ra îdareyê Îtlaetî nêverdeno ke Celalîyane teber de bêra weşkerdene.

Ganî bi taybetî cinîyî pêro kesî wayîrê kesanê azadîwaştoxan ê zîndananê Îranî bivejîyê. Ganî ma nêverdê le vengê nînan bêrê bêvengkerdene. Ma sey KJAR venga pêro hêz, azadîwaştox, komelê sivîlî, rêxistinanê heqanê merdiman danê ke vera rewşa tepişteyan ê sîyasîyan ê Îranî bêveng nêmanê. Bi taybetî vera rewşa Zeynebe Celalîyan bêveng nêmanê. Çunke bêvengî do biba sebebê tehlukeyê serê cuya tepişteyan ê bînan.''