Komelê Cinîyan ê Rojhelatê Kurdîstanî (KJAR) bi tewrbîyayîşê delegeyanê xo yê ke her hetê Kurdîstanî ra ameyî 2-4ê nîsane de kongreya xo ya 3ine viraşte û qerarê muhîmî girewtî.

Kongre de qiseykerdişî akerdişî koordînasyonê KJARî ra Dîlane Cûdî kerd. Cûdî ard ziwan ke ê kongraya xo heme şehîdan rê dîyare kenê û vat: ''Hinî heme cinîyê azadî û şarî zanê ke îqtîdarî şarî rê azadîye nêanê. Coka rayberîya cinîyan ê kurdan de cuyeya azade yena înşakerdene.Ma îdeolojîya xelisnayîşê cinîye xo rê wezîfe girewt û vera îşxalkeran û qirkerdoxan têkoşînêko xurt danê.''

Dima ra derheqê prosesê sîyasyîşî de ercnayîşî ameyî kerdene. Kongre de bale ameye antene ke xoverdayîşê cinîyan ê Rojhelatî ser  û şexsê Zeynebe Celalîyan, Nesrîne Stude, Atena Daimi ame vîrardene ke cinîyî senî wayîrê îrade û cesaretî yê. Kongreya ke derheqê xopawitişî de zî ercanyîşî ameyî kerdene de qerarê muhîmî ameyî girewtene.

Qeraran tayî wina yê.

-KJAR do azadîya Rayber Apoyî sey karê verênî bîgêro dest û nê esasî ser xebatanê xo rayra bêro û têkoşînî xurtêr bikero.

-Şehîde Cîhane semedê Rojhelatê Kurdîstanî sey sembola raybere ameye îlankerdene û şexsê şehîde Cîhane de kongre sere de şehîdê şerê anorî yê Rojhelat û Rojawanî heme şehîdan rê ameye dîyarîkerdene.

-KJAR vera modertnîteya kapîtalîste û hêrişanê qirkerdişî yê vera kurdan do xo rêxistene bikero û bi girdkerdişê têkoşînê ziwan û kulturî xebatanê xo aver bêro.

-Kulturê Rojhelatî yo  ke sey dewrê neolotîkî ra rêçan kirişêno do bi tewrêkê sosyolojî cipesayene û sey broşurî bêro vetene.

-Semedê çareserkerdişê problemanê cinîyan û hewceyanê înan caardişî têkoşîn bi kampanya û hemleyanê neweyan do bireso heme cinîyan û şarî.

-Semedê yewîtîya cinîyan ê Rojhiletî do xebatê hîrayî bêrê kerdene û konferansê cinîyan ê Rojhelatî bêro viraştene.

-Vera şîdetê serê cinîyan û zewajê domanan do kampanyayî bêrê viraştene  û reyna vera şîdet, tecawuz, daliqnayîş û fuhuşî do çalakîyê qesasî bêrê viraştene.

-Semedê azadîya Zeynebe Celalîyan û tepişteyanê sîyasîyan ê bînan do çalakîyê bitesîr bêrê viraştene.

Badê plankerdişî heyetê îdareyê KJARî rê 15 kesî ameyî vîjnayene û dima ra endama heyetê îdareyî Peymane Vîyan qisey kerd. Vîyane ard ziwan ke înan kongreyêka serkewte viraşte û soz da ke ê do semedê caardişê welatê azadî yo ke xeyalê dayîkan û şehîdan o bîyarî ca. Kongre bi slogananê 'Wa biciwîyo Rayber Apo' yî qedîyaye.