Koordînasyonê KJKyî bi eşkerayîyêka nuştekîye Leyla Guvena ke seba wedartişê tecrîdê serê Rayberê Şarê Kurdî Abdullah Ocalanî grevê vêşanîye de ya silam kerde.

KJKyî çalakîya Guvene sey  serewedartişî name kerd û va: ‘‘Îqtîdaro faşîst yê AKP- MHPyî yo ke cinîyan ê kurdan û merdimîye rê dişmenîye keno, hêrîşê xo yê serê Rayber Apoyî û heme leteyanê Kurdistanî de zêdînayo. Rejîmê AKPyî wazeno ke şexsê Rayber Apoyî de  îradeyê şarê kurdî bişiknî û teslîm bigêrî. Çalakîya Guvene rejîmê AKP- MHPyî tesrnena. Vera tarîyê faşîzmî rika cinîyan  û şarê ma yê xoverdayîşî ters û xof fîneno zereyê îqîtîdarî. Coka hêrişanê xo zêdîneno. Ma çalakîya Guvene û çalakîyê grevê vêşanîye yê zindanan û heme ê bînan silam kenî.  Wayîrvejîyayîşê Ocalanî wayîrvejîyayîşê erjê merdimîye yo.‘‘

Koordînaysonê KJKyî hêrişê dewleta tirkî yê Rojawan, Mexmûr û Şengalî zî protesto kerdî  û  eşkerayîya xo wina qedîna: ‘‘ PKK heta ewro bi hêzê xo yê cewherî gird bîyo. Bêîmkanîye de Kurdistan newe ra ame afernayene. Komploya mîyanneteweyîye bi desan rew pûç ameye vetene. Ma do Bi rike xover bidê û bi hêzê xo yê cewherî ser bikewê.‘‘