Koordînasyonê KJKyî bi wesîleya şehadetê avûkate Ebru Tîmtîka ke semedê hukmkerdişê edîlî roja 238. ya rojeyê mergî de cuya xo vînî kerde, eşkerayîyêka nuştekîye daye.

KJKyî vat:  ''Ewro Kurdîstan û Tirkîya polîtîkaya qirkerdişî esta ke bi destê dewleta tirk a faşîste yena caardene ke heme erjanê merdimîye binpay kena. Vera na polîtîkaya hêrişkare têkoşînêk esto. Cinîyî dewleta tecawuzkare ra hesab persene. Êyê ke nê hesabî bi persenê ra yewe zî  şehîde avûkate Ebru Tîmtîk bî ke ganê xo nê semedî ra da. Cinîya dêrsimija  kurde bi heskerdişê û bawerîya Dêrsimî 238 rojî xover da bi girdîya têkoşînê xo vîrê cinîyan û şaran ê Tirkîya de cayêko tarîxî girewt ke do çirey vîn mebo.

No têkoşîn hetê îqtîdarî ra sey tehtîdêk ame vînayene. Ebru Tîmtîk bi nê têkoşînê xo darbeya pîle daye zîhnîyetê camêrdî yê sîyasetî ro. Şehadetê ci ra rejîmê Ergekonî yê Erdogan-Bahçelî mesuldar o. Rejîmo faşîst qetilkarê aye yo. Merdimîye do nê zulmî xo vîrî ra mekerê. Cinîyî û şarê Tirkîya do têkoşînê Ebru Tîmtîk bidê ciwîyayene. Gerek şarê Tirkîya, dormeyê çep, sosyalîstî û hêzê demokrasî wayîrê mîrasê têkoşînê ci vejîyê û pîlêr bikerê.

Şehadetê Ebru Tîmtîk dejo pîl da ma, eynî wextî de ma hêrsbîyaye yê.  Hêrsê ma do têkoşînê ma bikero biheybet ke Ebruyê bînî azad biciwîyê. Sere de sareyê keye û merdimanê ci, sereyê embazanê ci yê têkoşînî weş bo. Ebru Tîmtîk bêmerg a. Têkoşînê ci do faşîzmî birijno. Dewleta bêadelt û bêhuquqe ya Erdoganî do sereyê ci ser birijîyo. Mezg û zerrîya Ebru Tîmtîk neheqîye û bêadeletîye qebul nêkerde û sey çîyêkê normalî nêdî. Sey cinîya biîrade, azad û qerardare serkewtişî ra bawer kerd û bîye zerrîyanê bawerkerdoxanê Dêrsimî ra yewe.''