Koordînasyonê KJKyî derheqê şehadetê Kasim Engînî (Îsmaîl Nazlikul) de eşkerayîyêke weşanaye.

Eşkerayîye wina ya: 

''Endamê Komîteya Merkezî ya PKKyî embaz Kasim Engîn 27ê gulana 2020î de herêma Biradostî de hêrişêkê hewayî yê rejîmê AKPyî yê qirkerî de şehîd bi. Ma keyeyê ci û pêro şarê Kurdîstanî rê serweşîye wazenê.  Ma sozê xo dibare kenê ke pê berzkerdişê têkoşînê azadîye ma do wayîrê vîrameyîşê ey bivejîyê.

Embaz KAsim şorişgêrîya xo ya 35 serran de waranê têkoşînî de pê hîşmendîya azadîye, pê xoverdayîş ca girewte.

Têkoşînê embaz Kasimî ganîbîyayîşê Kurdayetîya elewîyan a ke Mereş û Dêrsim de ameyêne çinkerdene. Kurdayetîya elewîyan şexsê ey de pê heybetî sere wedarit, xo ver da. Embaz Kasimî serra 1990î de Rayberîye dîye û heta ke şehîd bi pê felsefe û îdeolojîya Rayberîye têgêra. Nê esasî ser o embaz Kasim Engîn pêro cuya xo rêçê Rayberîye de derbaz kerde.

Embaz Kasim pê coş û tewirê xo, pê enerjî û aqilê xo tim embazêko cîya bi. Ey embazanê xo reyde cuya ser o qiseykerdişî ra zaf hes kerdêne. Embaz Kasimî her tim xîret kerd ke cinîyan reyde embazîyêka rinde bikero. Qet mîyanê sînoranê feodolîte û pederşahî de tênêgêra. Zerrî ra bawer kerdêne ke azadîya cinîyan do biba azadîya şarê ma. O dostêk bi, can û embazêk bi.

Embaz Kasimî tim derheqê tarîxê Kurdîstanî de cigêrayîş kerd û analîzê xo dewam kerdî. Dersê tarîxê Kurdîstanî de pê zanayîşanê xorinan heskerdişê welatî û wayîrvejîyayîşê welatî ser o vindertêne. Embaz Kasim nameyê welatperwerî, perwerîya Kurdîstanî yo, nameyê hêrsê pîlî yê vera asîmîlasyon û kurdayetîya ajane yo.''

Nê esasî ser o ma embaz Kasim reyna bi hûrmet û heskerdişî yad kenê. Tewir û têkoşînê ey tim ma rê bi mîsal. Ma sey cinîyanê kurdan vîrameyîşê embaz Kasimî ser o cuyêka azade û xoverdayîş do awan bikerê û ma do her tim mîyanê xîret û îdîaya afernayîşî de bibê. Serfîrazîye do yê şarê Kurdîstanî biba.''